Unsucking at writing in my native tongue, one big tagalog word at a time
dahil ayaw kong maging malansang isda! Naaaks.

February 11, 2006

Tagalog Word of The Day: Tampulan

Naks. Napa-senti tuloy ako about my highschool life.

Nung isang araw, nakapag-usap kami ng isa kong kaibigan mula highschool, at tinuruan niya ako ng bagong big tagalog word: Tampulan.

As in, sana'y tigilin nang gawing tampulan ng pamumulitika ang nakaraang Wowowee Tragedy. O, pakshet, ayaw ko nang gawing tampulan ang pag-ibig sa mga pag-uusap dahil lang Valentine's na. Sabi nga ni Sam Milby, a-yukuuu!

Hilaw pa ang mga sugat na natamo ko. Minsan, gusto kong kutkutin. Hindi naman sa nakakatulong. Alam niyo, ang pangit ko talagang magpaka-poetic sa tagalog. Pero, sige, I'll take it as a challenge, gagawa ako ng isang entry na ang panguhanihg tampulan ay pag-ibig gamit ang wikang filipino. Palusot.

Pero sa susunod na lang yun. Ayokong masira ang mood ko. So, for now, iiwanan ko na lang ito ng walang sense. Makapag-practice lang magsulat sa tagalog.

Salamat Aya sa aking tagalog word of the day!

February 10, 2006

Bata, Bata, Anong Inalam Mo Kay Pres. GMA?

Sige na nga, makisama na ako sa ABS-CBN Hatewave. Pero wala itong kinalaman sa Wowowee.

Nung isang araw, nakapanood ako ng isang news segment sa TV Patrol World kung saan ininterview nila ang mga conyong gradeschoolers na gusto daw, like, patalsikin si GMA. Anong klaseng report naman yun? Then again, mahilig din silang mag-report ng mga sasksakan sa Tondo, diba? Dahil kailangang malaman ng buong bansa na may namatay na namang skwating. Right. Partida pa't primetime dinnertime ang timeslot nila.

Anyway, itong kumag na reporter na to-- na malamang, walang matinong maipasang report-- gumawa ng feature na, basically, pinapakita ang mga conyong batang ayaw kay GMA. Ang tanong ko lang, at baaakeeet? Ano naman ang kinalaman ng mga bata sa isyung pampulitika? Eh, tangina, kahit ako inaamin kong bo-bobo-bobo ako sa pulitika eh. At such strong words coming from, like, conyo kids ha.

I mean, para na ring kumunsulta ang Pag-Asa sa mga manghuhula sa Quiapo about their next weather forecast

Hindi naman sa gusto kong i-censor sa media ang anti-GMA messages pero sana man lang, kung sino man ang mag-dedeliver ng message na yun, consenting adults na marunong nang bumuo ng sarili nilang opinion. For all we know, yung mga batang yun, nasulsulan lang ng teacher nila na pag sinabi nilang I Hate GMA! on cam eh tatatakan sila ng star sa kanilang matataba at mga mestiso't chinitong mga braso.

Masama na nga na nagiging biktima ng propaganda ang mga batang yun eh-- I've heard na some schools teach their students that, well, in a word, impakta si GMA-- mas masama pa't ginamit silang tool ng propaganda ng tamad na reporter na yun. Journalist ka, mehn, you have a responsibility to use at least three fourths of your brain! At sino ba naman ang nag-approve na i-air yun? Primetime pa. Onting responsibilidad naman. Gamit utak. Baka ma-Alzheimer's.

Kaya kung wala naman kayong kamag-anak na hinihintay na magripuhan sa may Tondo, Big News na lang ng ABC 5 ang panoorin niyo. It's as decent as local news could get.

February 08, 2006

Fact You! maging Speaker of the House na lang kaya ako?

Nag-sorry na si Usec. Corpus. Sabay banat na he just can't help but sympathize ladida. What? Walang vote me for President?

Hindi naman sa wala siyang karapatang magkapuso, no, pero being the Chairman of the fact-finding committee tasked to investigate about the tragedy, he should've stuck with the facts. Hindi siya dapat nagpapadala sa kanyang emosyon-- totoo man o kaplastikan lang-- tuwing gagawa siya ng public statement. Kailangan niyang maging objective kung gusto niyang maging credible ang ire-report niyang findings.

May mga naririnig din akong mga balita na hindi daw pumasa ang Ultra sa isang ginawang building inspection. Which is nice to know after n other concerts and events staged there over the past few forevers. It's so Ozone Disco all over again, I swear.

Nakikini-kinita ko na: Building Inspection Ningas-Kugon Fad, Hello!

Nagsalita na rin kanina ang mga Wowowee contestant coordinators na naatasang mamigay ng tickets na sina Bing Ramos at Ace Vidanes(?! Anak ni Tita Cory?! :P) Nakipaghatakan sila, nagmakaawa, namigay ng libreng mineral water-- Tinimbang Sila Ngunit Pakshet Kulang!

Negligence na kung negligence pero kahit ata NPA at Al Qaeda-- isama mo na rin ang QC Vigilantes-- aatras sa crowd na yun eh. Sige, kasuhan niyo ang buong management, pero sana ang sentensya, Time Served na lang.

Sabihin na nating lack of foresight pero, anong gusto niyo? I-barbed wire nila yung paligid? Mag-hire sila ng private army? Maglagay ng land-mines a la velvet rope para walang maharot? Eh di tinratong hayop na naman yung mga utas? Tapos aangal na naman kayo.

Seriously, para sa mga taong nagngangangalngal diyan, tell me, ano ang inyong grand plan para naiwasan sana ang trahedya? I mean, maliban sa sana hindi na lang tinuloy yung show. Come on, diba matalino kayo? Give me an answer. Yung feasible. Yung hindi effective lang in theory-- kasi come on, in theory--at, well, base na rin sa mga past events-- hindi naman dapat nangyari ang nangyaring trahedya. At, most importantly, yung humane. Buzzword na amputa.

Natuwa ako sa sinabi ni Gilbert Remulla. Bakit nga ba kung tiga gobyerno ang gumawa ng malawakang kagaguhan puro "I err aaah heb tu luk into this err ahh ishu parder" lang ang kayang sabihin ng mga pulitiko? Hello Candee Rivas, Oakwood Mutineers, GMA, Erap at, pakshet Marcos!

Aba, ngayon, wala pang isang linggo criminal negligence na agad. Fight na kung fight! Deadma na sa fact-finding committee. Sayang naman ang efforts ni Usec. Corpus. Mukha pa naman nangagatog na ang litid niya sa kahandaan.

Kayo talaga, mishturr ishpeakersofdahouse pag hindi niyo kauri ang kabangga niyo, naglalakihan ang mga bayag niyo. Hindi ba unfair treatment yun?

Maging Speaker of the House na lang kaya ako? Dadatdat ka lang, wala ka namang dapat gawin masyado. Epal ka lang.

Mamee dats wat I err ahh wanna be when I err ahh grow up!

-------------------------------------------------------------------

Salamat nga pala sa mga nag-iwan ng kanilang mga kumento sa huli kong entry.

Gusto ko sanang mag-reply individually kaso wala naman atang feature ang commenting system ng bloger na mano-notify kayo pag nag-reply kayo. I find myself agreeing most with what Ade had to say, though:

"it is ABS-CBN's fault. but to call the station exploitative is lowbrow.

sometimes i just can't help but be angry at how people ride on issues & exploit the masses just to score brownie points"

February 07, 2006

Aba'y Hayop ka rin DILG Undersecretary Corpus!

Ika nga ni Miriam Defensor-Santiago: I lied

Napanood ko ang presscon kanina ni DILG Undersecretary Corpus sa news at talagang hindi ko na lang maiwasang magcomment.

Sabi ba naman kasi niya, dapat daw maging criminally liable ang management ng Wowowee dahil daw inexploit nila ang mahihirap.

O...kay, that has got to be the most ridiculous thing I've ever heard from a person from the government. At, dude, that's saying a lot.

I mean, hello halatang-halata namang nag po-politicize at philosophize lang sila eh. Exploitation? Puh-lease.

Una, simple math ( o physics--matter --o logic, whaever) lang, hindi naman talaga pwedeng papasukin lahat ng tao sa Ultra kasi, sa tingin ko, kung pinagsaksakan silang lahat sa relatively ka-liit liit na venue, mas inhuman pa yun sa pagbibigay ng onting tickets. Hello, kamusta naman ang lack of Oxygen? Sa tingin niyo hindi alam ng mga taong pumila na onti lang makakapasok? Eh bakit sila pumila dun ng ka-tagal tagal?

Pangalawa, according sa dictionary, ang definition ng exploitation ay "an act that exploits or victimizes someone (treats them unfairly); "capitalistic exploitation of the working class"

Sa totoo lang, wala akong makitang unfair treatment sa mga taong nabiktima prima facie. Siguro pag kinutkot mo at nagphilosophize ka ng buong husay, pwede pa. At duh, reality check, capitalism is all about exploiting people's wants and needs. Eh diba feel na feel niyong maging capitalist ang bansa natin? Dahil sosyal?

Dude nakasubok ka na bang hindi makapagpareserve ng UAAP Cheerdance Competition tickets? Parang Wowowee din, wala nga lang casualties. At sa lagay na yun, ikaw pa ang magbabayad. GA seat na nga lang tig-250 pesos pa naman binili. Dapat pala dinemada ko rin yung gahamang scalper na yun. O ang Non-Stop at Araneta Coliseum Exploitation! Try mo ring manuod ng rock concerts. Kung hindi ka lang magripuhan ng nakanang mga jologs.

Pangatlo, mawalang galang na po Sir Corpus, kung hindi ka ba naman mas tanga pa sa dikyang nababad sa araw ng dalawang linggo, bakit ka naman magp-presscon na ang pinagdadadatdat mo eh opinion-based blabber na tangential sa context ng dokumentong ipinag-presscon mo? At, duh, sa tingin mo nakakatulong sa mga namatayan na ihalintulad mo ang mga namatay sa kanila sa hayop?

I mean, foul. Alam kong hindi ako masyadong nags-symphatize sa mga victims pero parang sobra naman na ata ang tawagin mo silang "hungry pack of wolves." Anong feeling mo, magiging FPJ ka after that statement? Pwede ba. Ayan, nabara ka tuloy ni Korina Sanchez aka Evil Witch of the Broadcasting West.

Mga taong to, ang hilig pa cheapin ang mga bagay.

Tama na nga tong pagpapaka political kuno ko.

February 06, 2006

Sorry na lang sa Blogspot at Blogger.com Users

Stop na. Promise, yung latest entry ko sa isa ko pang blog ang huling blog entry ko isusulat tungkol sa Wowowee Stampde Tragedy. Stop na talaga.

At sorry rin sa mga Blogspot at Blogger.com users kung napapansin niyong lately, nagkakanda palpak-palpak ang buong site. Ako ata ang balat sa inyong collective pwet.

O talaga bang topakin lang ang Blogspot at Blogger.com? Biruin mo, tatlong araw pa lang ako dito, kung ano-anong malas at please republish in 10 years na ang inabot ko. Kaya nga ba mahal ko ang Livejournal eh.

On a side...well, more of parting note, narealize ko lang dahil sa isang comment na iniwan ni Celeni sa latest ko ngang entry sa isa ko pang blog na malas talaga si Willie Revillame sa mga TV shows niya. Sisiskat, tapos masisira.

Na-realize ko rin na Feb 4 din pala ang simula ng Year of the Fire Dog. Baka nga hindi talaga maganda ang Feng Shui nung configuration nung entrance ng Ultra. O...kay. Stop na.

February 05, 2006

Onting Disiplina Lang Naman Eh: sabay-sabay rin tayong makakapunta sa gusto nating patunguhan

Natuwa lang ako dun sa hepe ata ng pulis na ininterview kahapon tungkol dun sa WoWoWee! Stampede Tragedy. Sabi niya kasi, baka daw ang may kasalanan, yung configuration ng entrance ng Ultra kasi daw masyadong declining yung slope.

At dahil nga declining yung slope, hindi daw nakatulong ang force ng gravity-- na makatlong beses mahigit niya atang sinabi, verbatim-- sa pagpapalala nung stampede. Sosyal. Physics yun ah! Matalino ka pala Ser?!

Siyempre, tingin na naman sa akin ng kapatid ko, insensitive na airhead. Hindi naman sa hindi ako nakikidalamhati, minsan lang talaga, naghahanap ako ng katutuwaan sa gitna ng trahedya.

Sa totoo lang, hindi ko alam kung maaawa ba ako o mamumuhi sa mga taong nasangkot sa stampede. Onting disiplina lang naman, naiwasan na sana yung trahedya. 'Yun din ata yung isa sa mga mensahe ni Sharon Cuneta nung nag phone-patch siya sa sa isang TV show eh. Kaya nga ba bata pa lang ako, crush ko na si Tita Shawie eh. Hee. "Mahaaal kitaaa magiiing sino ka maaan!"

Naiintindihan ko naman ang pinanggagalingan ng mga taong gustong-gustong makapasok sa loob ng Ultra-- yung iba, mga fans talaga ni Willie Revillame; yung iba, gustong manalo ng pera. Nakakaawa din naman na sa isang TV show na lang sila umaasa ang karamihan sa atin upang maiangat ang mga buhay nila.

Oo, minsan talaga may mga ibang taong nalulugmok sa kahirapan dahil biktima sila ng circumstansya-- circumstances?-- pero, sana, 'wag naman sanang dahil may mga taong handang tumulong, eh lagi na lang tayong hihingi ng tulong-- tulungan din naman natin ang sarili natin paminsan.

Minsan talaga, hindi mo maiiwasan na may mga taong aabuso sa pagtulong. Sa probinsya ng nanay ko, napakaraming mga taong ganyan. Sila pa itong may mga ganang magtampo pag hindi mo nabigyan ng tulong. Kapal!

Matapobre na kung matapobre pero ang kapal talaga ng mukha ng ibang tao, no. Napagsabihan ko nga dati yung isang babaeng pumupunta sa bahay namin regularly dahil binibigyan siya ng rasyon ng bigas ng tatay ko eh-- ang demanding kasing kumatok sa gate-- sabi ko, "Ate, kayo na nga po ang binibigyan eh. Wag naman pong ganyan."

Kaya ako, bihira akong magbigay ng limos, maliban na lang kung bata ang nanglilimos kasi hindi naman niya kasalanan na ipinanganak siya sa hirap. Wala akong pakialam kung miyembro siya ng sindikato. Baka mabugbog siya kung wala siyang iuwi. Mas gusto kong magbigay ng pera sa mga taong nakikikita kong nagsisikap man lang. Yung mga magbobote, yung mga takatak boys, sampaguita girls.

Tangina, kahit nga yung mga batang scroongee sa UP pinapatulan ko eh. Kahit sinabihan ako nung isa na tibo daw ako. Naging kaibigan ko na nga rin yung mga basura boys sa may Sunken Garden eh. Nagtitino din naman sila pag medyo naghigpit ka.

Naaawa tuloy ako kay Willie. Ang gusto lang naman niya, makatulong ng tao. Ngayon, malamang, kahit hindi naman niya kasalanan, nababagabag ang konsensya niya sa napakaraming taong namatay dahil sa anibersaryo ng palabas niya. Onting disiplina lang naman eh. Sabay-sabay rin tayong makakapunta sa gusto nating patunguhan.

February 04, 2006

Pish Be With You

Naks. Matapos ang labing-siyam na taong pag-iwas ko sa pagsusulat gamit ang wikang Filipino, nagkaroon na rin ako ng lakas ng loob na magtaguyod (naaaks!) ng isang blog maliban sa aking pangunahing blog kung saan puro tagalog lang ang gagamitin ko. Hardcore. Ay pakshet, English yun.

Bago kayo mag-alburuto diyan, gusto ko lang sabihin na mahal ko ang sarili kong wika-- duh, bakit ko itatayo ang blog na ito kung hindi, diba?-- at hindi dahil nakasanayan kong magsulat sa Ingles, tingin ko ay cool na ako o sosyal o whatever. Kung pwede nga lang, mamatay na sana ang mga taong nag-iisip ng ganon. Lalo na yung mga malgrammar naman.

Sa totoo lang, na lo-loser-an nga ako sa kawalan ko ng katatasan(naaaaaks!) sa wikang Filipino eh. Bata pa lang kasi ako, bano na ako dito. Hindi naman yung parang retarded na pero-- gets?-- ang laking baba lagi ng mga grado kong nakukuha sa Filipino kumpara sa English sa eskwela.

Hindi ko nga alam kung dapat ko bang sisihin yung teacher ko sa Filipino nung bata pa ako, si Miss Corpuz, dahil tinuruan niya akong mabagot sa subject na tinuturo niya maaga pa lang. Katangha-tanghali, que taray taray! Ang hina hina pa ng boses.

After lunch pa naman yung class niya at malamig ang aircon. At dahil baboy ako, inaantok ako matapos kumain ng marami. At lagi akong maraming kinakain noon dahil baboy ako.

So, parang, hindi ko na lang talaga alam ang gagawin ko sa klase ni Miss Corpuz: Matutulog ba ako o Matatakot? Pinili ko na lang mabagot. Sa kanya at sa tinuturo niya..

Mula noon, nagkaroon na ako ng aversion sa Filipino subjects. Tuwing pinapabasa ako ng libro o storyang sinulat sa Filipino, nahihilo ako. Pakiramdam ko kasi, tanghali-- at galit ako sa tanghali-- at nasa klase ako ni Miss Corpuz-- na mas lalo kong ginagagalitan.

Kaya hindi ko binasa ang Noli Me Tangere o El Filibusterismo o Florante at Laura o Ibong Adarna. Yung huli, alam ko yung storya kasi nabasa ko sa komiks. Sosyal.

Kaya, ayun, bagot din ang lahat ng mga naging teacher ko sa FIlipino sa akin. Ewan ko ba, matino naman ang sweldo nila, pero bakit ba dapat bagot ang mga Filipino teachers? At bakit ba dapat laging ilang ang oras ng Filipino classes? O talaga bang na traumatize lang ako ni Miss Corpuz?

Oo nga pala, galit din ako sa isa kong kaklase na lagi kong kalaban sa Honor Roll. Actually, tatlo kaming naglalaban pero yung isa, best friend ko. Yung isa, ewan ko ba kung bakit ko kinamumuhian. Hindi naman ako competitive. Siguro dahil siya lagi ang pinanglalaban sa Balagtasan at ako, sa Declamation.

Langya ka Miss Corpuz, deeply-rooted ang issues ko against the Filipino Languange dahil sa'yo. Ihaychu. Di tayo pish.